(AFR) U het al seker hierdie vertoning gesien deur ander Towenaars en gewonder hoe hulle dit doen. Dis heel eenvoudig. Laat vir u n aantal ringe maak,soos volg:
A. Is gemaak met n opening wat veerkragtig sluit;
B. Is n stel van twee ringe,die een in die ander;
C. Is n stel van drie almal in mekaar;en
D. Is twee los ringe met geen opening.
Die ringe behoort so dik te wees as n poltood en omtrent 15 -18 cm in deursneë. Lê die ringe een op die ander,en dit sal lyk of die ringe almal los van mekaar is. DD moet bo lê dan B,dan A en dan C. Handig D uit vir ondersoek en as hulle nog wil sien handig die ander D ook uit. Hang die ringe oor u regterarm en sê dat hulle almal saamskakel. Maak n aantal bewegings en bring B uit. Die gehoor dink u het hulle inmekaar geskakel. Laat hulle ondersoek,en as hulle terug gegee word ,doen weer dieselfde en handig C uit. Neem nou A en terwyl u een van die ringe van C deur die opening laat gly het u vier inmekaar,voeg D by en u het vyf. Neem D af en vervang deur B wat ses sal maak. So gaan u aan en skakel hulle op alle maniere. Verberg die opening van A met u duimn en probeer een van die D’s vry hou. Dis nodig dat hierdie baie geoefen word as u n sukses daarvan wil maak.
No comments:
Post a Comment